O‘zbekiston Respublikasida aholining huquqiy savodxonligini oshirish, fuqarolarga malakali va bepul yuridik yordam ko‘rsatish maqsadida "MADAD" nodavlat notijorat tashkiloti faoliyat yuritmoqda.

Mazkur tashkilot fuqarolarning huquq va qonuniy manfaatlarini himoya qilishga ko‘maklashish, huquqiy muammolarni qonuniy yo‘l bilan hal etish hamda jamiyatda huquqiy madaniyatni yuksaltirish yo‘nalishlarida tizimli ishlarni amalga oshirmoqda.

Jumladan, "MADAD" NNT tomonidan:

• fuqarolarga birlamchi bepul yuridik maslahatlar ko‘rsatiladi;
• aholining huquqiy ongi va huquqiy madaniyatini oshirish bo‘yicha targ‘ibot ishlari olib boriladi;
• fuqarolardan kelib tushayotgan huquqiy murojaatlar tahlil qilinadi hamda ularni qonunchilik asosida hal etish yuzasidan tavsiyalar beriladi;
• Advice.uz huquqiy axborot portali orqali onlayn huquqiy maslahat va ishonchli huquqiy ma'lumotlar taqdim etiladi.

Advice.uz portali orqali fuqarolar mehnat munosabatlari, oila, meros, uy-joy, ijtimoiy ta'minot, tadbirkorlik, sud-huquq masalalari va boshqa ko‘plab yo‘nalishlar bo‘yicha o‘zlarini qiziqtirgan savollarga tezkor hamda ishonchli javob olishlari mumkin.

Huquqiy bilim va huquqiy madaniyatni yuksaltirish har bir fuqaroning o‘z huquq va erkinliklari, shuningdek qonuniy manfaatlarini samarali himoya qilishning muhim omillaridan biridir. Shu bois, huquqiy masalalarga duch kelganda "MADAD" nodavlat notijorat tashkiloti hamda Advice.uz portalining bepul xizmatlaridan foydalanish tavsiya etiladi.