Xalq deputatlari viloyat Kengashi deputati F.Sadullayeva hamda Kengash bosh mutaxassisi N.Radjapova ishtirokida Urganch shahridagi mahallalarda navbatdagi sayyor uchrashuvlar va aholi bilan muloqotlar o‘tkazildi.

1. “2-Feruz” mahallasidagi o‘rganishlar:

Ushbu mahallada “mahalla yettiligi” bilan birgalikda fuqarolar murojaatlari ko‘rib chiqildi va bir qator masalalar joyida hal etildi:

🛣 Yo‘l infratuzilmasi: “Sodiqova” ko‘chasi aholisi va fuqaro M.Raximovning asfalt yotqizish bo‘yicha murojaati o‘rganildi. Fuqarolarga mazkur ko‘cha Xalq deputatlari Urganch shahar Kengashining 2026-yil 14-martdagi qaroriga muvofiq dasturga kiritilgani tushuntirildi va ishlar ijrosi deputat nazoratiga olindi.

🔍Kommunal xizmat: “Pahlavon Mahmud” ko‘chasi 48-uyda yashovchi G.Sapaevaning uy yerto‘lasi suvga to‘lganligi bo‘yicha murojaati deputat aralashuvi bilan tezkor hal etildi. Mahalla raisi va mas’ul servis kompaniyasi (shirkat) rahbarlari jalb qilinib, nosozlikni bartaraf etish choralari ko‘rildi.

✅2. “3-Ma’rifat” mahallasidagi muloqotlar:

Navbatdagi uchrashuv “3-Ma’rifat” mahallasi yettiligi va faollari bilan tashkil etildi. Muloqot davomida hududdagi ijtimoiy holat va aholi tomonidan bildirilgan takliflar muhokama qilindi:

⚽️ Bolalar maydonchasi: Mahallada bolalar o‘yin maydonchasi yo‘qligi aholi uchun dolzarb masala bo‘lib turgani aniqlandi.

🚶‍♂️‍➡️Piyodalar yo‘lagi: A.Temur ko‘chasining boshlanish qismida piyodalar yo‘lakchasi mavjud emasligi aholi harakati uchun qiyinchilik tug‘dirayotgani bildirildi.

✅ Mazkur muammolarni tizimli hal etish maqsadida tegishli tashkilotlarga murojaat qilish hamda o‘rganishlar natijasiga ko‘ra 🎁 deputat so‘rovi chiqarish belgilab olindi.

Xalq bilan muloqot va hududlardagi infratuzilmani yaxshilash borasidagi tizimli ishlar davom etmoqda.