Xalq deputatlari Qo‘qon shahar Kengashiga 3-"Achchiqko'l" saylov okrugidan saylangan deputat M.Mavlonqulov tomonidan “Uzumzor” mahalla fuqarolar yig‘inida mahalla raisi M.O‘rinboyev bilan uchrashuv o‘tkazilib, hududdagi mavjud muammolar va ularni bartaraf etish masalalari muhokama qilindi.

️Suhbat davomida mahallaning ijtimoiy va infratuzilmaga oid masalalari, fuqarolarni qiynayotgan muammolar yuzasidan fikr almashildi.

Xususan, “Suhbatchog‘i” hududida mahalla chegaralarini belgilash (chegaralashtirish) masalasi muammoli bo‘lib turgani bildirildi. Mazkur masalaning mahalla hududining aniq chegaralarini belgilash va tegishli tartibda hal etilishi muhimligi qayd etildi.

Ushbu masalani ijobiy hal etish maqsadida viloyat darajasidagi deputatlarni jalb qilgan holda tegishli tashkilotlar bilan hamkorlikda o‘rganish olib borish va muammoga amaliy yechim topish bo‘yicha kelishib olindi.

Mazkur masala deputat M.Mavlonqulov nazoratiga olinib, uning ijobiy hal etilishi yuzasidan tegishli ishlar davom ettiriladi.

Xalq deputatlari Qo‘qon shahar Kengashi