Xalq deputatlari Bekobod shahar kengashi 10-“Sirdaryo” saylovokrugi deputati O‘zMTDP a’zosi S.Ergasheva kotibiyat bosh mutaxassisi U.Abdunazarov bilan birgalikda “Sirdaryo” mahallasidagi soliq inspektori tomonidan unga yuklatilgan masalalarni amalga oshirilishi holati o‘rganildi. Soliq xodimi mahalladagi imkoniyatlarni ishga solib, soliq bazasini kengaytirish, tadbirkorlik faoliyatini qonuniylashtirishga hamda o‘zini o‘zi band qilganlarga kichik biznes toifasiga o‘tishga ko‘maklashishdan iborat vazifalar yuklatilgan. Sirdaryo mahallasida tadbirkorlik bilan shug‘ullanuvchi 28 ta yuridik shaxslar va 36 ta YaTTlar faoliyat yuritadi. Shundan 10 tasi hunarmandchilik sohasi va 26 tasi boshqa sohalar bo‘yicha tadbirkorlik bilan shug‘ullanuvchilar hisobiga to‘g‘ri keladi. Mazkur mahalla bo‘yicha bir yilga 1843,0 mln.so‘m soliq tushumi belgilangan bo‘lib, bugungi kunda 690,0 mln.so‘mi tushumi ta’minlandi. O‘rganish davomida “Mahalla yettiligi” bilan birgalikda yaqindan hamkorlik qilish va mahalla byudjetiga tushumlarni ko‘paytirish yuzasidan tavsiyalar berildi.