Xalq deputatlari Vobkent tumani Kengashi kotibiyati mudiri M.Naimova, tuman Kengashi deputati M.Hasanova va tuman Kengashi kotibiyati bosh mutaxassisi Sh.Ismatov hududda joylashgan “Latifsobungar” mahalla fuqarolar yigʻinida boʻlib, mahalladagi ijtimoiy xodim tomonidan aholining ijtimoiy ehtiyojmand toifalariga koʻrsatiladigan xizmatlari, kam taʼminlanganlarga ijtimoiy nafaqalar, moddiy yordam berish borasidagi ishlar holati oʻrganildi.

🔍Oʻrganishlarda hozirda mahallada 126 nafar nogironligi mavjud fuqarolar yashayotgan boʻlib, 26 nafariga 94 mln.soʻmlik ijtimoiy yordamlar koʻrsatilgan. 58 nafar oila ijtimoiy reestrga kiritilganligi aniqlandi.

📎 Amalga oshirilgan ishlar va koʻrsatilgan xizmatlar joylarga chiqib oʻrganildi. Deputatlar tomonidan bildirilgan taklif va tavsiyalar asosida aniqlangan masalalarni tegishli tashkilotlar bilan hamkorlikda hal etish boʻyicha zarur choralar koʻrish belgilab olindi.