Xalq deputatlari Olmaliq shahar Kengashi ishchi guruhining hududbay o‘rganishlari doirasida navbatdagi manzil "Kimyogar" mahallasi bo‘ldi. Bu yerda deputatlar va Kotibiyat mutaxassislari mahalla xodimlarining aholi bilan ishlash samaradorligini tahlil qildilar.

🔍Ijtimoiy himoya: Shaffoflik va manzillilik

Mahallaga biriktirilgan ijtimoiy xodim faoliyati davlatimiz tomonidan belgilangan ijtimoiy himoya tamoyillari asosida o‘rganildi. Xususan:

📁 Elektron tizim bilan ishlash: Ijtimoiy yordamga muhtoj qatlam — nogironligi bo‘lgan shaxslar, yolg‘iz keksalar va kam ta’minlangan oilalarga ko‘rsatilayotgan ko‘makning onlayn platformalarda qayd etilishi;

🤝 Manzilli o‘rganish: Vasiylikka olinganlar va yetim bolalarning yashash sharoitlari, ularga berilayotgan imtiyozlarning haqqoniyligi;

📈 Natijadorlik: Ijtimoiy xodimning xonadonbay yurish orqali haqiqiy muhtojlarni aniqlash borasidagi harakatlari ko‘zdan kechirildi.

🛡Huquqbuzarliklar profilaktikasi: Barqaror muhit

Mahalla profilaktika inspektorining faoliyati ham ishchi guruh tahlili markazida bo‘ldi. O‘rganish davomida:

📉 Jinoyatchilikning oldini olish: Hududda huquqbuzarliklar profilaktikasi bo‘yicha amalga oshirilgan chora-tadbirlar va jinoyatchilikka moyilligi bo‘lgan fuqarolar bilan ishlash tizimi;

📂 Hujjatlar yuritilishi: Ma’muriy nazorat ostidagi shaxslar bilan olib borilayotgan profilaktik suhbatlar va ularning xizmat hujjatlarida aks etishi;

🏛Jamoat tartibi: Mahallada tinchlik-osoyishtalikni ta’minlash borasidagi tezkor vazifalarning ijrosi ko‘rib chiqildi.

Deputatlar xulosasi:

O‘rganish yakunida mas’ullarning hisobotlari tinglanib, aholi murojaatlari bilan ishlashda sifatni oshirish, takroriy murojaatlarni kamaytirish hamda ijtimoiy xizmatlarni ko‘rsatishda qonuniylikka qat’iy rioya etish bo‘yicha tegishli tavsiyalar berildi.

🏛Olmaliq shahrida "Mahalla yettiligi" faoliyati ustidan deputatlik nazorati davom etmoqda.