Xalq deputatlari Andijon viloyati Kengashi deputati Mirzakarimova Dildora Pozilovna hamda Buloqboshi tumani Kengashining
8-Uchtepa, Tinchlik saylov okrugi deputati To‘xtaqulov Umarali Akbaraliyevich bilan birgalikda Tinchlik MFY, O‘zbekiston ko‘chasidagi muammoni o‘rgandi.

O‘rganish davomida 182 ta xonadonning ichimlik suvi bilan ta’minlanish holati ko‘chaboshilar hamda viloyat Kengashi deputati ishtirokida ko‘rib chiqildi.

Natijada, mazkur ko‘chaga 2.0 km ichimlik suvi tarmog‘ini tortish bo‘yicha loyiha hujjatlarini tayyorlash va xonadonlarni xatlovdan o‘tkazish uchun Andijon suv ta’minoti MChJga viloyat Kengashi deputati so‘rovi yuborish belgilandi.