Xalq deputatlari Yunusobod tumani Kengashi deputatlari Musaева D. va Ashrapova I. tomonidan deputatlik faoliyatining muhim yo‘nalishlari bo‘yicha tavsiyalarning 10-bandida belgilangan vazifalar ijrosini ta’minlash maqsadida hududdagi bozorda narx-navo holati o‘rganildi.

🔎O‘rganish davomida aholining kundalik ehtiyojlari uchun zarur bo‘lgan oziq-ovqat va boshqa iste’mol mahsulotlarining amaldagi narxlari, mahsulotlarning mavjudligi hamda savdo shoxobchalaridagi sharoitlar ko‘zdan kechirildi.

⚖️Shuningdek, iste’molchilarning huquq va manfaatlarini ta’minlash masalalariga alohida e’tibor qaratildi. O‘rganish jarayonida O‘zbekiston Respublikasining “Iste’molchilarning huquqlarini himoya qilish to‘g‘risida”gi Qonuni talablariga rioya etilishi, xaridorlarga mahsulotlar to‘g‘risida to‘liq va haqqoniy ma’lumot berilishi hamda savdo jarayonlarining belgilangan tartibda tashkil etilishi masalalari muhokama qilindi.

🛒Bozordagi narxlarning shakllanishi, ijtimoiy ahamiyatga ega mahsulotlarning mavjudligi va aholiga qulay sharoit yaratish bilan bog‘liq masalalar yuzasidan tegishli taklif va tavsiyalar berildi.