Deputat so‘rovi — xalq vakilining qonunlarda belgilangan vakolatlarini amalga oshirish, fuqarolar manfaatlarini himoya qilish hamda hududdagi muammolarni hal etishga ko‘maklashishning muhim huquqiy vositasidir.

📨 Kimga yuboriladi?
Deputat so‘rovi tegishli hududda joylashgan davlat hokimiyati va boshqaruvi organlarining mansabdor shaxslariga, ularning vakolatiga kiradigan masalalar yuzasidan yuboriladi.

⏳ Javob berish muddati qancha?
Deputat so‘rovi olingan kundan e’tiboran 10 kundan kechiktirmay javob yuborilishi lozim.

✍️ Kim imzolaydi?
Javob so‘rov yuborilgan mansabdor shaxs yoki uning vazifasini vaqtincha bajarayotgan shaxs tomonidan imzolanadi.

⚖️ Qanday cheklovlar mavjud?
Sud raislari, prokurorlar, surishtiruv va tergov organlari rahbarlariga yuboriladigan deputat so‘rovlari ularning ish yurituvidagi muayyan ishlar va materiallarga taalluqli bo‘lishi mumkin emas.

📚 Huquqiy asos: O‘zbekiston Respublikasining «Xalq deputatlari viloyat, tuman va shahar Kengashi deputatining maqomi to‘g‘risida»gi Qonuni, 8-modda.

Xalq deputatlari Marg‘ilon shahar Kengashi deputatlik nazoratini amalga oshirishda qonuniylik, mas’uliyat va fuqarolar manfaatlarini ustuvor deb biladi.

🔹 Deputat so‘rovi — muammoni ko‘tarish, mas’ullardan asosli javob olish va qonun ijrosini ta’minlash vositasidir.