📌 MAHALLADA IJTIMOIY XIZMATLAR KO‘RSATISH VA EHTIYOJMAND OILALARNI QO‘LLAB-QUVVATLASH HOLATI O‘RGANILDI
🏛 Xalq deputatlari Chinoz tumani Kengashining ish rejasiga muvofiq, 7-Chinoz saylov okrugidan saylangan deputat M. Mamatqulovga biriktirilgan Kengash kotibiyati mudiri A. Baxromov tomonidan “Markaziy” mahalla fuqarolar yig‘inida o‘rganish ishlari olib borildi.
🔎 O‘rganish davomida mahalladagi ijtimoiy xodim Z. To‘laganova tomonidan aholining ijtimoiy ehtiyojmand qatlamlariga sifatli xizmat ko‘rsatish, kam ta’minlangan oilalarga ijtimoiy nafaqalar va moddiy yordam tayinlash hamda to‘lash, shuningdek, fuqarolarning ijtimoiy muammolarini hal etish borasida amalga oshirilayotgan ishlar tahlil qilindi.
💳 Aholi bandligini ta’minlash borasida ham muayyan ishlar amalga oshirilgan. Jumladan, 4 nafar fuqaroga imtiyozli kredit olishda amaliy yordam ko‘rsatilgan bo‘lsa, yana 6 nafar fuqaroning doimiy bandligi ta’minlangan.
🤝 O‘rganish jarayonida ijtimoiy yordamga muhtoj oilalarni manzilli qo‘llab-quvvatlash, fuqarolarning ehtiyojlarini to‘g‘ri baholash, ularga belgilangan ijtimoiy xizmat va yordamlarni o‘z vaqtida ko‘rsatish, shuningdek, bandligini ta’minlash orqali daromad manbalarini kengaytirish masalalariga alohida e’tibor qaratildi.
♻️ Shuningdek, ijtimoiy xizmatlar samaradorligini oshirish, reyestrga kiritilgan oilalarning turmush sharoitini yaxshilash, ularni kambag‘allikdan chiqarish va mustaqil daromad topish imkoniyatlarini kengaytirish bo‘yicha amalga oshirilayotgan ishlar ko‘rib chiqildi.
✅ O‘rganish yakunlari bo‘yicha ijtimoiy himoyaga muhtoj fuqarolar bilan individual ishlashni kuchaytirish, bandlik imkoniyatlaridan samarali foydalanish hamda aniqlangan muammolarni bartaraf etishga qaratilgan ishlarni izchil davom ettirish vazifalari belgilab olindi.