SESSIYAOLDI O‘RGANISH: 65-MAKTABNING KUZ-QISH MAVSUMIGA TAYYORGARLIGI

🏫 Xalq deputatlari Pastdarg‘om tumani Kengashi deputati D.Jabborova tomonidan navbatdagi sessiya kun tartibiga kiritilgan kuz-qish mavsumiga tayyorgarlik holati masalasi yuzasidan sessiyaoldi o‘rganish ishlari olib borildi.

📍 Shu doirada 65-sonli umumta’lim maktabining kuz-qish mavsumiga tayyorgarlik holati joyiga chiqqan holda o‘rganildi.

🔎 O‘rganish davomida maktabning isitish tizimi, mavjud isitish qurilmalarining sozligi, yoqilg‘i zaxirasi hamda mavsumga tayyorgarlik darajasi ko‘zdan kechirildi.

🪨 Bugungi holatga ko‘ra, maktabda 32 tonna ko‘mir zaxirasi yaratilgan. Shuningdek, isitish tizimida avval aniqlangan kamchiliklarning bartaraf etilganligi ham o‘rganilib, tizimning kuz-qish mavsumida barqaror ishlashiga tayyorgarlik holati baholandi.

🌡 Ijtimoiy soha obyektlarini qish mavsumiga puxta tayyorlash, mavjud muammolarni mavsum boshlanishidan oldin aniqlash va bartaraf etish — deputatlik nazoratining muhim yo‘nalishlaridan biridir.

✅ O‘rganish natijalari umumlashtirilib, navbatdagi sessiyada muhokama qilish uchun tegishli takliflar shakllantiriladi.

🤝 Deputatlik nazorati — muammoni aniqlash, yechimni talab qilish va natijani nazorat qilishdir!