Múrájat úyrenildi.

Qaraqalpaqstan Respublikası Joqarǵı Keńesi deputatı B.Utambetova hám Xalıq deputatları Moynaq rayonlıq Keńesi baslıǵı A.Tlewov rayonlıq Keńes deputatları menen birgelikte puqara Bayniyazov Mayrambaydıń múrajatın ornına barıp úyrenildi.

Moynaq rayonı “Doslıq” mákan puqaralar jıyınında saylawshılar menen ótkerilgen ushırasıwda “Doslıq” mákan puqaralar jıyını Qubla Aral kóshesi 153-jayda jasawshı puqara Bayniyazov Mayrambay ózi hám ómirlik joldası birinshi topar mayıplıǵın bildirip, úyinde ısıtıw sisteması joq ekenligin, ısıtıw sistemasın qurıp beriw boyınsha múraajat etken.

Úyreniw barısında úy iyeleri erli-zayıplılar birinshi topar mayıplıǵı, puqaranıń úyinde ısıtıw sisteması joqlıǵı sebepli oshaqtan paydalanıp otırǵanı málim boldı. Deputatlar múrajattı qadaǵalawǵa alıp, unamlı sheship beriw ushın tiyisli ilajlar kóriletuǵınlıǵın bildirdi.