♻️ Өзбекстан Халық демократиялық партиясы дүзилгениниң 35 жыллығы мүнәсибети менен Шымбай районында партияның көп жыллық нәтийжели жумыс алып барған ветеранлары, белсендилери ҳәм жәмийетшилик ўәкиллериниң қатнасыўында ушырасыў шөлкемлестирилди.

Илажда Халық депутатлары Шымбай районлық Кеңесине 24-"Қ.Аўезов" сайлаў округынан Өзбекстан Халық демократиялык партиясынан сайланған депутат, Халық депутатлары Шымбай районлық Кеңеси баслығы О.Толыбеков, Өзбекстан ХДП Шымбай районлық Кеңесиниң баслығы С.Нурмамбетов ҳәм белсенди жаслар қатнасты.

✅ Ушырасыў даўамында партияның өткен 35 жыллық тарийхый жолы, мәмлекеттиң жәмийетлик-сиясий турмысында тутқан орны, халықтың социаллық қорғаўға мүтәж қатламларының мәплерин қорғаў бағдарында әмелге асырылған ийгиликли жумысларға айрықша тоқтап өтилди. Сондай-ақ, партия тийкарын беккемлеў ҳәм оның идеяларын халық арасында кеңнен үгит-нәсиятлаўда пидәкерлик пенен мийнет еткен ветеранлардың хызметлери атап өтилип, оларға шын жүректен миннетдаршылық билдирилди.

🔹 Илаж соңында партия шөлкеминиң алдағы әҳмийетли ўазыйпалары белгилеп алынып, алдағы ўақытта алып барылыўы тийис болған илажлар режеси ҳәр тәреплеме додаланды.