♻️ Халық депутатлары Шымбай районлық Кеңесиндеги ӨзХДП депутатлық топары ағзасы Д.Ажимуратов "Қостерек" АПЖ аймағындағы 31-санлы улыўма орта билим бериў мектебинде болып, мектеп китапханасы ҳәм оның материаллық-техникалық базасын үйренди.

✅ Үйрениўлер даўамында депутат китапхананың китап фонды, оқыўшылардың көркем ҳәм оқыў әдебиятлары менен тәмийинленгенлик дәрежеси, сондай-ақ, жаслар арасында китапқумарлықты үгит-нәсиятлаў ҳәм китапқа болған қызығыўшылықты арттырыў бағдарында әмелге асырылып атырған жумыслар менен жақыннан танысты.

🔹 Илаж жуўмағында китапхана фондын және де байытыў, оқыўшылар ушын заманагөй ҳәм қолайлы шараятларды жаратыў және анықланған айырым кемшиликлерди сапластырыў бойынша жуўапкерлерге тийисли усыныс ҳәм тапсырмалар берилип, орынланыўы бойынша депутат тәрепинен қадағалаўға алынды.