Елимиз бойлап ғалабалық ен жайып, бәршени әтирап-аймақты кѳгалландырыў ҳәм абаданластырыўға шақырған «Жасыл мәкан» акциясы Қараѳзек районында да кѳтериңки дәрежеде шѳлкемлестирилмекте. Қарақалпақстан Республикасы Жоқарғы Кеңесине 63-Қараѳзек сайлаў округинен депутат М.Абдиров ҳәм районлық Кеӊес депутатлары, нураныйлар менен биргеликте аймақта терек егиў бойынша әмелге асырылып атырылған жумыслар менен танысты. Гүзги мәўсимде терек нәллерин отырғызыў бойынша пикир алысылып, район белсендилери депутат пенен биргеликте нәл екти.