Tilning erkinligi, uning taraqqiyoti bevosita xalqning erki, mustaqilligi bilan bog‘liq. Shu bois ona tilimiz ham mamlakatimiz mustaqillikka erishgandan so‘ng yangi bosqichga ko‘tarildi. Qadr-qimmati tiklanib, yuksalib bordi.

Siz bilarmidingiz: Jahonda 60 milliondan ortiq kishi o‘zbek tilida so‘zlashadi.

-Til – millatning ruhi, davlatning timsoli. Tilning ilk shakllari oilada, onaning so‘zi bilan vujudga jo bo‘ladi, shuurning bir parchasiga aylanadi.

-Kim qaysi tilda so‘zlasa, o‘sha tilda fikrlaydi, o‘sha millatga daxldor bo‘ladi. Tilni asrab-avaylash orqali millat yuksaladi, til yo‘qolsa, millat va o‘zlik yo‘qoladi. “Sen yo‘qolgan kuning, shubhasiz, men ham to‘ti bo‘lib qolaman!” deb yozgan shoir haq edi.

-UNESCO ma’lumotlariga ko‘ra, bugungi kunda dunyoda qariyb 7 mingga yaqin til mavjud, ulardan 200 ga yaqinigina davlat tili maqomiga ega. Jahon miqyosida 60 milliondan ortiq kishi o‘zbek tilida so‘zlashadi, bu millatimiz uchun g‘urur, albatta.