Oltinchi chaqiriq
Xalq deputatlari Farg‘ona tuman Kengashining navbatdagi 88-sessiyasi bo‘lib
o‘tdi. 

Bugun Farg‘ona
tuman hokimligining majlislar zalida tuman Kengashining navbatdagi 88-sessiyasi
bo‘lib o‘tdi. 

Sessiyani tuman
Kengashining Reglament va deputatlik odobi masalalari bo‘yicha doimiy komissiya
raisi O.D.Madumarov olib bordi.  

Sessiyada masalaga
daxldor korxona-tashkilot rahbarlari ishtirok etdilar. 

Kun tartibi: 

1. O‘zbekiston Respublikasi Qonunchilik palatasi
deputatlari va mahalliy Kengashlar deputatlari saylovlarini o‘tkazish uchun
tuzilgan uchastka saylov komissiyasi tarkibiga nomzodlarni viloyat saylov
komissiyasiga tavsiya etish to‘g‘risida; 

2. 2024-yil 2 choragi davomida Farg‘ona tumanida
hududlarni kompleks ijtimoiy-iqtisodiy rivojlantirish bo‘yicha sektorlar va
hududdagi tashkilotlar rahbarlari faoliyati, murojaatlar bilan ishlash holati
to‘g‘risida; 

3. Farg‘ona tumanidagi mahallalarda
tadbirkorlikni rivojlantirish, aholi bandligini ta’minlash va kambag‘allikni
qisqartirish bo‘yicha kelib tushgan murojaatlarni ko‘rib chiqilishi hamda hokim
yordamchilari faoliyatining natijadorligi to‘g‘risida; 

4. 2024-yilning 2-choragida Farg‘ona tumanidagi
davlat organlari va tashkilotlarning norma ijodkorligi hamda huquqni qo‘llash
amaliyoti holati to‘g‘risida; 

5. O‘z XDP deputatlik guruhi ish rejasiga ko‘ra
Farg‘ona tumanida “Maktabgacha ta’limi sohasida davlat-xususiy sheriklikni
yanada qo‘llab-quvvatlashga oid qo‘shimcha chora-tadbirlar to‘g‘risida”gi
PQ-316-sonli Qaror ijrosi bo‘yicha amalga oshirilgan ishlar to‘g‘risida; 

✅
Sessiya kun tartibiga qo‘shimcha ravishda “Farg‘ona tumanidagi “Geografik
ob’yektlarga nom berish yokiularni qayta nomlash to‘g‘risidagi takliflarning
qonun hujjatlari talablariga muvofiqligi to‘g‘risida””gi masala kiritilib,
tuman Kengashi deputatlari N.Isaqov, I.Abduraxmonov, O.Dadajonova, F.Mirzayev,
A.Erkaboyevlar so‘zga chiqib, sessiya kun tartibiga kiritilgan masalalar
yuzasidan o‘z fikr-mulohazalarini bildirdilar. 

Sessiya kun tartibiga kiritilgan barcha masalalar
bo‘yicha mas’ullar hisobot-axborotlari eshitilib, tegishli qaror deputatlar
tomonidan tasdiqlanib, qabul qilindi.