Deputat yoshlar bilan kitobxonlik tadbirida ishtirok etdi:

O‘zbekiston Respublikasi Vazirlar Mahkamasining “2020–2025-yillarda kitobxonlik madaniyatini rivojlantirish va qo‘llab-quvvatlash milliy dasturi” doirasida Termiz tuman Kengashi deputati K.Abdullayeva mahalladagi yoshlar bilan o‘tkazilgan kitobxonlikka bag‘ishlangan tadbirda ishtirok etdi.

Tadbirda yoshlar o‘rtasida kitob o‘qishga qiziqish uyg‘otish, mutolaa madaniyatini rivojlantirish, shuningdek, mahalla kutubxonasini boyitish va “Bir oila — bir kitob” tashabbusini yo‘lga qo‘yish masalalari muhokama qilindi.

Deputat yoshlar bilan samimiy muloqotda bo‘lib, kitob inson tafakkurini boyituvchi eng katta boylik ekanini ta’kidladi.