Tashrif davomida "Chuqursoy" MFY yettilik tarkibidagi har bir vakil — mahalla raisi, profilaktika inspektori, xotin-qizlar faoli, yoshlar yetakchisi, ijtimoiy xodim, nuroniylar kengashi vakili hamda soliqchi bilan alohida suhbatlar o‘tkazildi. Ularning hududda olib borayotgan ishlari, mavjud muammolar va ularni hal etish yo‘nalishida ko‘rilayotgan choralarga alohida e’tibor qaratildi.

️Jarayonda aholining murojaatlari, mahalladagi ijtimoiy muhit, yoshlar va xotin-qizlar bandligi, profilaktik tadbirlarning samaradorligi yuzasidan tahliliy fikrlar bildirildi hamda deputat D.Axmedova tomonidan tegishli tavsiyalar va topshiriqlar berildi.

️Tashrif davomida yer to‘lalarning sanitariya holati, yong‘in xavfsizligi talablari, muhandislik-kommunikatsiya tarmoqlarining holati, noqonuniy foydalanilayotgan hududlar hamda fuqarolarning murojaatlari asosida aniqlangan kamchiliklar o‘rganildi. 

️O‘rganish doirasida ularning sanitariya holati, muhandislik-kommunikatsiya tarmoqlari, yong‘in xavfsizligi talablariga rioya qilinishi hamda fuqarolarning shikoyatlari o‘rganildi. 

Mazkur o‘rganishlar natijasida aniqlangan muammolar bo‘yicha mutasaddi tashkilotlarga tegishli topshiriqlar berilib, ularni qisqa muddatlarda bartaraf etish choralari belgilandi.