Deputat tashabbusi bilan Oqtosh mahallasida yo‘llar shag‘allashtirilmoqda

Xalq deputatlari Payariq tumani Kengashi deputati Omonov O‘ktam To‘raqulovich tashabbusi bilan Oqtosh mahallasining ichki ko‘chalarini shag‘allashtirish ishlari boshlab yuborildi.

Mazkur tashabbus mahalla aholisi uchun qulay va xavfsiz harakatlanish sharoitini yaratish, yo‘l infratuzilmasini yaxshilashga qaratilgan. Ayni paytda ichki ko‘chalarda shag‘al yotqizish ishlari jadal davom etmoqda.

Deputat Omonov O‘ktam To‘raqulovich mahalla faollari va mutasaddi tashkilotlar bilan hamkorlikda ishlarni bosqichma-bosqich amalga oshirishni rejalashtirmoqda.

Mahalla aholisi o‘z murojaat va ehtiyojlarining inobatga olinayotganidan mamnun ekanliklarini bildirib, xalq vakiliga minnatdorchilik izhor etmoqda.