Tiklanish va taraqqiyot jamg‘armasi mablag‘lari hisobidan amalga oshirilayotgan loyihalar doirasida Sirdaryo viloyati Boyovut tumani "Qarapchi" mahallasida qurilayotgan 19-sonli maktabgacha ta’lim tashkiloti (MTT) holati Xalq deputatlari Boyovut tumani Kengashi 23-Dexqonobod saylov okrugi deputati Eldor Otaboyev tomonidan joyida o‘rganildi.

O‘rganishlar davomida qurilish jarayonlari belgilangan jadval asosida olib borilmayotgani, ishlar bir me’yorda tashkil etilmaganligi aniqlandi. Natijada mazkur MTT joriy yilning sentyabr oyiga qadar foydalanishga topshirilmasligi ma’lum bo‘ldi. Qurilish ishlarini yakunlash muddati sifatida oktyabr oyi ko‘rsatildi.

Deputat tomonidan holat yuzasidan tegishli tashkilotlarga aniqlik kiritish va mas’ullarni belgilangan muddatlarda ishlarni sifatli hamda to‘liq yakunlash choralarini ko‘rish bo‘yicha taklif va tavsiyalar berildi.