Xalq deputatlari Mirzo Ulug‘bek tumani Kengashi deputati, O‘zXDP a’zosi Gulchexra Axmedova tashabbusi bilan “Alisherobod” mahallasida Mustaqilligimizning 35 yilligiga bag‘ishlangan ma’naviy-ma’rifiy tadbir bo‘lib o‘tdi

O‘zbekiston Respublikasi davlat mustaqilligining 35 yilligi munosabati bilan “Yagona Vatan, yagona xalq bo‘lib, yangi hayot va kelajak yaratamiz” shiori ostida ma’naviy-ma’rifiy tadbir yuqori saviyada tashkil etildi.

Bayram tadbirida taniqli san’at namoyandalari ishtirok etib, o‘zlarining sermazmun chiqishlari va yorqin ijodiy dasturlari orqali mahalla ahliga ko‘tarinki kayfiyat ulashdilar.

Shuningdek, yoshlarning bo‘sh vaqtini mazmunli tashkil etish, sog‘lom turmush tarzini targ‘ib qilish hamda sportga bo‘lgan qiziqishini yanada oshirish maqsadida futbol musobaqasi o‘tkazildi.

Mazkur tadbir mahalla aholisining birdamligi va Vatanga sadoqatini namoyon etish, yurtimiz taraqqiyoti yo‘lida yagona maqsad sari birlashish g‘oyalarini keng targ‘ib etishga xizmat qildi.