Xalq deputatlari Tuproqqal’a tuman Kengashining Agrar, suv xo‘jaligi va ekologiya masalalari bo‘yicha doimiy komissiyasi raisi Zafar Dovlatov boshchiligida tumanda veterinariya va chorvachilik sohasini yanada rivojlantirish, davlat tomonidan yaratilayotgan imkoniyatlardan samarali foydalanish hamda qonun hujjatlarida belgilangan vazifalar ijrosini ta'minlash masalalari yuzasidan doimiy komissiya qarori qabul qilindi.

📋 Qaror bilan tuman veterinariya va chorvachilikni rivojlantirish bo‘limining hisoboti ma'lumot uchun qabul qilinib, sohada erishilgan ijobiy natijalar, jumladan chorvachilik mahsulotlari ishlab chiqarish hajmining oshgani, yuqumli kasalliklarga qarshi emlash tadbirlarining tizimli olib borilayotgani hamda naslchilikni rivojlantirish bo‘yicha amalga oshirilayotgan ishlar e'tirof etildi.

✅ Shuningdek, veterinariya xodimlari faoliyati samaradorligini oshirish, chorva mollarini identifikatsiya qilish ishlarini jadallashtirish, chorva bosh sonini ko‘paytirish, qo‘y va echkichilikni rivojlantirish bo‘yicha "Yo‘l xaritasi" ishlab chiqish, sun'iy urug‘lantirish bo‘yicha belgilangan ko‘rsatkichlarga to‘liq erishish hamda naslchilik xo‘jaliklarini qo‘llab-quvvatlash yuzasidan mas'ul tashkilotlarga aniq vazifalar yuklatildi.