Xalq deputatlari Tuproqqal’a tuman Kengashi deputati N.Allaberganova, tuman Kengashi kotibiyati bosh mutaxassisi hamda tuman Kengashi huzuridagi "Ekspert" guruhi mas'ul kotibi P.Rahmonov va Saxovat mahallasi raisi ishtirokida mahalla ijtimoiy xodimi Mohira Boltayevaning xizmat faoliyati samaradorligi o‘rganildi.

📋 O‘rganish davomida ijtimoiy xodim tomonidan ijtimoiy himoyaga muhtoj fuqarolarni aniqlash, ularga manzilli ijtimoiy xizmatlar ko‘rsatish, ehtiyojmand oilalar bilan ishlash, fuqarolar murojaatlarini ko‘rib chiqish hamda sohaga oid davlat dasturlari va qonunchilik hujjatlarida belgilangan vazifalar ijrosi yuzasidan amalga oshirilayotgan ishlar tahlil qilindi.

🤝 Shuningdek, mahallada ijtimoiy xizmatlar samaradorligini yanada oshirish, fuqarolar muammolarini o‘z vaqtida aniqlash va ularni hal etishda mutasaddi tashkilotlar bilan hamkorlikni mustahkamlash masalalari yuzasidan fikr almashildi.

📝 O‘rganish yakunida mavjud ishlarni yanada takomillashtirish, ijtimoiy xizmatlarning sifati va manzilliligini oshirish hamda aholini ijtimoiy qo‘llab-quvvatlash bo‘yicha tegishli tavsiya va takliflar bildirildi.