Xalıq deputatları rayonlıq Keńes sekretariatı baslıǵı T.Jusipov Ózbekstan Respublikası Oliy Majlisi Nızamshılıq palatasındaǵı XDP frakciyasına Ózbekstan Respublikasınıń 2020-jıl 23-sentyabrdegi "Bilimlendiriw haqqında"ǵı Nızamına ózgeris kirgiziw boyınsha usınıs jolladı.
Usınısta ámeldegi nızamshılıqqa muwapıq bilimlendiriw sapası monitoringi wákillikli mámleketlik uyımlar hám olardıń aymaqlıq bólimleri tárepinen ámelge asırılıwı belgilengeni atap ótildi.
Sonıń menen birge, ayırım jaǵdaylarda rayonlıq mektepke shekemgi hám mektep bilimlendiriwi bólimleri tárepinen oqıwshılardıń bilim dárejesin anıqlaw maqsetinde hár qıylı monitoring ilajları ótkerilip atırǵanı atap ótilip, bul ilajlardıń huqıqıy tiykarları hám olardıń ámeldegi nızamshılıqqa muwapıqlıǵı boyınsha anıqlıq kirgiziw soraldı.
Deputatlıq baslamanıń tiykarǵı maqseti - oqıw procesin artıqsha júklemelersiz shólkemlestiriw, oqıtıwshı hám oqıwshılar ushın qolaylı ortalıq jaratıwdan ibárat.