Xalq deputatlari Chilonzor tumani Kengashi deputati Sultanov Baxodir Turg‘unovich tomonidan Chilonzor tumani hokimining qurilish, to‘siqlarsiz muhit yaratish, kommunikatsiyalarni rivojlantirish, ekologiya va ko‘kalamzorlashtirish masalalari bo‘yicha o‘rinbosari K. Xamraev nomiga deputatlik so‘rovi yuborildi.

Mazkur deputatlik so‘rovi Chilonzor tumani 1-Katta Chilonzor mahallasida istiqomat qiluvchi fuqarolardan kelib tushgan murojaat asosida tayyorlandi. Murojaatda aholi xavfsizligini ta’minlash hamda fuqarolar uchun qulay sharoit yaratish maqsadida mahalla hududidagi 11, 12, 13, 39, 41 va 47-uylar oldi, shuningdek 39-uydan 107-maktabgacha bo‘lgan hududni asfalt qoplamasi bilan ta’mirlash bo‘yicha amaliy yordam ko‘rsatish so‘ralgan.

Loyihaga ko‘ra, 11-uy – 520 m², 12-uy – 440 m², 13-uy – 390 m², 39-uy – 600 m², 41-uy – 1100 m², 47-uy – 622 m² hamda 39-uydan 107-maktabgacha bo‘lgan hudud – 332 m², jami 4004 m² maydonni asfalt qoplamasi bilan qoplash zarurligi qayd etilgan.