Erta turmush va uning salbiy oqibatlari — qizgʻin muhokama markazida

«Alaquyliq» saylov okrugi deputati D.Raxmonova tashabbusi bilan hududdagi xotin-qizlar va yoshlar ishtirokida «Erta turmushning oldini olish va uning salbiy oqibatlari» mavzusida ochiq muloqot va davra suhbati tashkil etildi.

Tadbirdan koʻzlangan asosiy maqsad — erta oila qurishning salbiy oqibatlari, uning yoshlar hayoti, jismoniy va ruhiy salomatligiga taʼsiri hamda jamiyatdagi ajrimlarning oldini olishdan iborat boʻldi.

Deputat yigʻilgan ota-onalar va yoshlar bilan muloqot qilib, har bir farzandning, ayniqsa, qiz bolaning kelajagi uchun eng avvalo sifatli taʼlim va sogʻlom tarbiya poydevor boʻlishi kerakligini taʼkidladi.

 Ishtirokchilar oʻzlarini qiziqtirgan savollarga mutaxassislar va xalq vakilidan batafsil javob oldilar.

KENGASH_FAOLIYATI