#nazorat_tahlil
#kengash_raisi_faoliyati
#kotibiyat_xodimi_faoliyati

Mahalla yettiligi faoliyati joyida o‘rganildi

Xalq deputatlari Qiziriq tumani Kengashi raisi J.Xudoyqulova, tuman Kengashi kotibiyati bosh mutaxassisi A.Mamarajabov, tuman Kengashi deputati U.Xo‘shboqov hamda tuman hokimligining mas’ul xodimi birgalikda 9-Gilambob saylov okrugidan saylangan deputat A.Kenjayev hududidagi "Gilambob" mahallasida bo‘lib, mahalla yettiligi faoliyatini o‘rgandi.

O‘rganish davomida mahalla yettiligi tomonidan aholi murojaatlarini ko‘rib chiqish, ijtimoiy muammolarni hal etish, bandlikni ta’minlash, xotin-qizlar va yoshlar bilan ishlash, huquqbuzarliklarning oldini olish hamda hududni obodonlashtirish yo‘nalishlarida amalga oshirilayotgan ishlar tahlil qilindi. Shuningdek, mahalladagi mavjud muammolar va ularni bartaraf etish yuzasidan mas’ullar bilan fikr almashildi.

O‘rganish yakunida Xalq deputatlari Qiziriq tumani Kengashi raisi J.Xudoyqulova tomonidan mahalla yettiligi faoliyatini yanada samarali tashkil etish, aholi bilan ishlash sifatini oshirish hamda aniqlangan kamchiliklarni bartaraf etish yuzasidan tegishli tavsiya va takliflar berildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram