Ekologiya partiyası "Meniń baǵım" joybarı sheńberinde ámelge asırılıp atırǵan jumıslar menen tanıstı

🌱 Ózbekstan Ekologiyalıq partiyası Shımbay rayonlıq Keńesiniń wákili K.Saribaev hám sekretariat bas qaniygesi Sh.Ametov “Tazǵara” APJ aymaǵında ámelge asırılıp atırǵan "Meniń baǵım" joybarı sheńberindegi jumıslar úyrenildi.

Úyreniw dawamında joybar tiykarında aymaqlarda nál egiw, jasıl maydanlardı keńeytiw, terek hám putalardı tárbiyalaw, suwǵarıw sistemasın jolǵa qoyıw hám ekologiyalıq ortalıqtı jaqsılaw baǵdarında alıp barılıp atırǵan jumıslar menen jaqınnan tanıstı. Sonday-aq, juwapker shólkemler menen joybardıń orınlanıwı, bar mashqalalar hám olardı saplastırıw boyınsha pikir alısıldı.

Partiya wákilleri "Meniń baǵım" joybarı sheńberindegi jumıslardı sapalı hám óz waqtında ámelge asırıw, aymaqlardı jáne de kóklemzarlastırıw hám xalıqtıń ekologiyalıq mádeniyatın arttırıw boyınsha tiyisli usınıs hám usınıslardı bildirdi.