🏛 Xalq deputatlari Shovot tumani Kengashi deputati Azamat Shermetovich Qalandarov tomonidan Bo‘ston mahallasi aholisi murojaati asosida Davdon kanalidagi suv ta’minoti muammosi yuzasidan deputatlik so‘rovi yuborildi.

📍 Muammo:
Davdon kanali orqali Bo‘ston mahallasi tomorqalariga yetib borayotgan sug‘orish suvi miqdori keskin kamayib, aholining tomorqa yerlarini o‘z vaqtida sug‘orishi qiyinlashgan edi.

✅ Ko‘rilgan chora-tadbirlar:
• Holat joyiga chiqib o‘rganildi.
• Kanal bo‘yicha nazorat kuchaytirildi.
• Suv taqsimoti tartibga keltirildi.
• Aholiga sug‘orish suvi uzluksiz yetkazib berilishi ta’minlandi.

🎯 Natija:
Deputatlik so‘rovi asosida Bo‘ston mahallasi aholisining sug‘orish suvi bilan bog‘liq muammosi ijobiy hal etildi va Davdon kanali orqali suv ta’minoti yaxshilandi.

🤝 Fuqarolar manfaatini himoya qilish va hududdagi muammolarni hal etish borasidagi amaliy ishlar izchil davom ettirilmoqda.