“Rektorlar maktabi” dasturining yo‘lga qo‘yilishi oliy ta’lim tizimini yangi bosqichga olib chiqadigan muhim tashabbusdir. Bugungi kunda oliy ta’lim muassasalarini zamonaviy bilim va boshqaruv ko‘nikmalariga ega, strategik fikrlaydigan rahbarlar boshqarishi davr talabi hisoblanadi.
🔹Davlat oliy ta’lim tashkilotlari rektori lavozimiga nomzodlarni maxsus dastur asosida tayyorlash orqali rahbar kadrlarning salohiyati oshiriladi, ta’lim sifati, ilmiy faoliyat va xalqaro hamkorlikni rivojlantirish uchun mustahkam zamin yaratiladi. Bu esa o‘z navbatida yoshlarning zamonaviy bilim olishi va raqobatbardosh mutaxassis bo‘lib yetishishiga xizmat qiladi.
🔹Biz deputatlar ham ta’lim sohasidagi islohotlarni izchil qo‘llab-quvvatlaymiz. Chunki mamlakat taraqqiyoti, avvalo, sifatli ta’lim va malakali rahbar kadrlar bilan chambarchas bog‘liq. “Rektorlar maktabi” dasturi ana shunday yuksak maqsadlarga xizmat qiladigan muhim loyihalardan biri bo‘lib, uning amaliy natijalari oliy ta’lim tizimi rivojiga munosib hissa qo‘shishiga ishonaman.