Xalq deputatlari Parkent tumani Kengashiga 7-Xisorak saylov okrugidan saylangan deputat Mannonov Abduzarif Abduraufovich tomonidan o‘zi saylangan hududdagi “Chinorbuloq” mahalla fuqarolar yig‘inida joylashgan 48-son oilaviy shifokorlik punktida deputatlik nazorati doirasida o‘rganish ishlari olib borildi.Mazkur o‘rganishdan ko‘zlangan asosiy maqsad Xalq deputatlari Parkent tumani Kengashining navbatdagi Doimiy komissiyasi yig`lishida muhokama qilinishi rejalashtirilgan masala Parkent tuman tibbiyot birlashmasi rahbarining hisoboti yuzasidan joylarda nazorat-tahlil tadbirlarini o‘tkazish hamda aholiga ko‘rsatilayotgan birlamchi tibbiy xizmatlar sifatini o‘rganishdan iborat bo‘ldi.O‘rganish davomida deputat oilaviy shifokorlik punkti rahbari bilan uchrashib, aholiga o‘z vaqtida va sifatli tibbiy yordam ko‘rsatilishi, tibbiyot muassasasida yaratilgan sharoitlar hamda mavjud muammolar yuzasidan fikr almashdi.Shuningdek, muassasada raqamli tibbiy xizmatlarni joriy etish holati ham o‘rganildi. Xususan, DMED ilovasi orqali oilaviy shifokor qabuliga onlayn yozilish, tashriflar tarixini kuzatish hamda fuqarolar uchun qulay vaqtga elektron navbat belgilash imkoniyatlari amaliy jihatdan ko‘rib chiqildi.Nazorat tadbiri davomida avvalgi o‘rganishlarda aniqlangan masalalar ijrosi ham tahlil qilindi.Jumladan, patronaj xizmatlarini amalga oshirish uchun ajratilgan tibbiyot avtotransportini yoqilg‘i bilan ta’minlash muammosi hanuzgacha o‘z yechimini topmagani qayd etildi. Mazkur
masalani bartaraf etish yuzasidan uni tegishli tashkilotlarga kiritish va deputatlik nazoratiga olish bo‘yicha kelishuvga erishildi.Deputat tomonidan birlamchi tibbiy xizmatlar sifatini yanada oshirish, mavjud kamchiliklarni bartaraf etish hamda raqamli xizmatlardan samarali foydalanishni ta’minlash yuzasidan tegishli tavsiyalar berildi.O‘rganish yakunida muassasaga murojaat qilgan fuqarolar bilan ochiq muloqot o‘tkazilib, Parkent tuman tibbiyot birlashmasi rahbarining navbatdagi sessiyada ko‘rib chiqiladigan hisoboti yuzasidan aholini qiynayotgan muammolar va takliflar o‘rganildi. Bildirilgan masalalar bo‘yicha navbatdagi doimiy komissiya yig‘ilishida mas’ul tashkilot va muassasa rahbarlariga deputatlik nazorati tartibida tegishli savollar kiritilishi belgilandi.