Tashrif davomida mahalladagi mavjud holat o‘rganilib, deputat U.Achilov tashabbusi bilan barpo etilgan ko‘prik ko‘zdan kechirildi. Ma'lumki, To‘rttol mahallasining Teraksoy ko‘chasi Katta Andijon kanalining narigi qismida joylashgan bo‘lib, mazkur hudud aholisi uzoq yillar davomida maktab, savdo shoxobchalari va boshqa ijtimoiy obyektlarga qatnashda kanal ustiga qo‘lbola
usulda qurilgan, xavfsizlik talablariga javob bermaydigan ko‘prikdan foydalanib kelgan. Mazkur muammoni bartaraf etish maqsadida Xalq deputatlari tuman Kengashi deputati tashabbusi bilan mahalla aholisi ishtirokida hashar yo‘li orqali zamonaviy, mustahkam va xavfsizlik talablariga to‘liq javob beradigan yangi ko‘prik bunyod etildi. Natijada fuqarolarning, ayniqsa, maktab o‘quvchilari va keksalarning harakatlanishi uchun qulay hamda xavfsiz sharoit yaratildi. Tashrif chog‘ida amalga oshirilgan ishlar
yuzasidan fikr almashilib, mahallani yanada obod etish, aholi uchun qulay infratuzilmani rivojlantirish borasidagi ishlarni izchil davom ettirish yuzasidan tegishli tavsiyalar berildi.