Tumandagi 3-sonli MTMda, bog‘cha direktori boshchiligida "Salom bahor" shiori ostida tadbir o‘tkazildi. Tadbirda muassasada tarbiyalanayotgan bolajonlar hamda muassasa tarbiyachilari tomonidan tayyorlangan sahna ko‘rinishlari, qo‘shiq va raqslar hamda O‘zbek xalqining sevimli shoirasi, taniqli jamoat arbobi, O‘zbekiston xalq shoiri Zulfiya Isroilovaning tavallud kuni munosabati bilan shoira qalamiga mansub she’rlar bilan yanada fayzli o‘tdi. Mazkur tadbirda tuman Kengashi deputatlari O.Dadajonova, F.Mirzayev, Respublika ma’naviyat va ma’rifat Farg‘ona tuman bo‘linmasi vakillari ishtirok etib, jonajon xalqimizni sevimli Zulfiyasining serqirra ijodi va hayoti, ular yozib qoldirgan, tarjima qilgan bebaho asarlarni o‘rganish, uning hayot yo‘lini yoshlarga ibrat qilib ko‘rsatish kerakligi ta’kidlanib, tadbir yakunida mazkur muassasa tarbiyalanuvchilarini, jamoa a’zolarini va ota-onalarni kirib kelgan yangilanish va go‘zallik bayrami bilan tabriklab, kelajagimiz bo‘lmish bolajonlarimizni komil insonlar bo‘lib yetishishlarida o‘z hissalarini qo‘shayotgan muassasa ma’muriyatiga “Tabriknoma” va esatalik sovg‘alari taqdim etildi.

 Farg‘ona tuman Kengashi kotibiyati