Oliy Májilis Nızamshılıq palatasınıń deputatı T.Xojanazarov Bozataw rayonı aymaǵında xalıq bántligin támiyinlew, mámleketlik byudjetinen ajıratılǵan qarjılar esabınan sociallıq taraw obyektlerin qurıw, rekonstrukciya qılıw, puqaralardı qıs máwsiminen zıyansız alıp shıǵıw, Xalıq deputatları Keńeslerine ámeliy járdem kórsetiw hámde basqada bir qatar máseleler boyınsha ashıq sáwbet ótkerdi.

Ótkerilgen ashıq sáwbetke rayon hákimi K.Allaniyazov, hákim orınbasarları, Xalıq deputatları rayonlıq Keńesi deputatları qatnasıp, joqarıdaǵı máseleler sheńberinde sáwbetlesti.

Sonday-aq, hár bir hákim orınbasarı ózlerine tiyisli bolǵan tarawlarda ámelge asırılıp atırǵan jumıslar, erisilgen nátiyjeler hám aldaǵı isleniwi tiyis bolǵan rejeleri haqqında óz pikirlerin bildirip ótti.