Davra suhbati ko‘rinishda o‘tkazilgan uchrashuvda "Yoshlar ishlari agentligi" Boyovut tuman bo‘limi rahbari, Xalq deputatlari Boyovut tuman kengashi mudiri va mahalla faollari ishtirok etishdi.

Uchrashuvni kirish so‘zi bilan ochib bergan"Yoshlar ishlari agentligi" bo‘limi rahbari Anvarjon Jabborov, bugungi kunda yoshlarga davlatimiz rahbari tomonidan yaratilayotgan keng imkoniyatlardan oqilona foydalanish, bilim va kasb-hunar o‘rganish, IT sohasida bilimlarini mustahkamlash, internet tarmoqlarida berilayotgan axborotlarni qabul qilish, axborot tarqatish madaniyatini shakllantirish, yoshlarda mafkuraviy immunitetni shakllantirish to‘g‘risida to‘xtalib o‘tdi.

Uchrashuvda tuman kengashi deputati Avazbek Allashukurov so‘z olib, bugungi kunda dolzarb bo‘lib turgan yoshlarga oid davlat siyosati, o‘quvchilarning maktabdan qanchalik bilimli bo‘lib chiqsa, yuqori texnologiyalarga asoslangan sohalar rivojlanishi, buning natijasida ijtimoiy muammolarni yechish imkoni tug‘ilishi yuzasidan yoshlar bilan fikr almashdilar. 

Uchrashuvda yoshlarni qiynayotgan kamchilik va muammolar ham atroflicha muhokama qilindi. Uchrashuv so‘ngida yoshlar tomonidan berilgan savollarga rahbarlar tomonidan aniq javoblar berildi.