Termiz shahar “Surxon sohili” mahalla fuqarolar yig‘inida shahar Kengashi deputati B.Raxmatullayev hamda O‘zLiDeP shahar Kengashi apparat rahbari A.Tangirov ishtirokida saylovchilar bilan uchrashuv o‘tkazildi.

B.Raxmatullayev, deputat sifatida xalqning muammolariga yechim topishda ularni doimo qo‘llab-quvvatlashga tayyorligini aytib o‘tdi. U, shuningdek, shaharda amalga oshirilayotgan davlat dasturlaridan samarali foydalanish, aholining talab va ehtiyojlarini inobatga olgan holda qarorlar qabul qilish zarurligini ta’kidladi.

Uchrashuv davomida, fuqarolar tomonidan o‘rtaga tashlangan masalalarga deputat tomonidan bevosita javob berildi va kelgusida ularni hal qilish bo‘yicha amaliy yordam berilishi aytildi. Mahalla va oilaviy tadbirlarda aholining faolligini oshirish, o‘qituvchilar, tibbiyot xodimlari va boshqa ijtimoiy soha vakillarining sharoitlarini yaxshilash bo‘yicha davlat dasturlariga kengroq jalb qilishni ko‘zda tutuvchi tashabbuslar ilgari surildi.