Xalq bilan muloqot hayotdagi muammolarni oydinlashtiradi.

O‘zbekiston Respublikasining “Xalq deputatlari viloyat, tuman va shahar Kengashi deputatining maqomi to‘g‘risida”gi Qonunning 7-moddasiga muvofiq mahallalarda aholi va deputatlar uchrashuvlari o‘tkazilmoqda.

Termiz shahridagi “Ma’rifat” mahallasida xalq deputati shahar Kengashi deputati A.Mustafakulov saylovchilar bilan sayyor uchrashuv o‘tkazdi.

Yuzma-yuz muloqot chog‘ida fuqarolarga keyingi yillarda mamlakatimizda barcha sohalarda amalga oshirilayotgan keng qamrovli islohotlar, qabul qilinayotgan yangi qonunlar mazmun-mohiyati haqida batafsil ma’lumotlar berildi.

Uchrashuv davomida saylovchilar tomonidan ularning qiynab kelayotgan muammo va takliflari tinglandi. Shuningdek, deputat tashabbusi bilan tegishli tashkilotlar hamkorligida ushbu mahallaning Ayirtom ko‘chasida joylashgan 25-umumiy hovli uylari oldiga asfaltlash ishlari amalga oshirildi.