Xalq deputatlari Qo‘qon shahar Kengashiga 21-“Urganjibog‘” saylov okrugidan saylangan deputat M.Azimov hududidagi “Urganjibog‘” mahalla fuqarolar yig‘inida Xalq deputatlari Qo‘qon shahar Kengashi kotibiyati mudiri A.Nosirov tomonidan o‘rganish ishlari olib borildi.

O‘rganish davomida mahalla Nuroniylar kengashi raisi Abdullayev Ne’matjon bilan suhbat o‘tkazilib, hududda nuroniy keksalar bilan olib borilayotgan ishlar, ularning holidan xabar olish hamda ijtimoiy qo‘llab-quvvatlash masalalari yuzasidan fikr almashildi.

Suhbat davomida 10 nafar nuroniy keksani bayram munosabati bilan sovg‘alar bilan xursand qilish bo‘yicha tashkiliy masalalar muhokama qilindi.

Mazkur tashabbusni amalga oshirish maqsadida mas’ul tashkilotlar bilan hamkorlik qilish, zarur choralarni ko‘rish va masalani ijobiy hal etish bo‘yicha kelishib olindi.

Nuroniylarni e’zozlash, ularning hayotiy tajribasi va duosini qadrlash, ularga doimiy e’tibor va g‘amxo‘rlik ko‘rsatish — jamiyatimizdagi ezgu qadriyatlarning yorqin ifodasidir.

Xalq deputatlari Qo‘qon shahar Kengashi