Deputat texnikumnıń tigiwshilik baǵdarı jumısı menen tanıstı

⚡️ Xalıq deputatları Shımbay rayonlıq Keńesi deputatı L.Mamutova tárepinen Shımbay texnikumınıń tigiwshilik baǵdarında alıp barılıp atırǵan oqıw hám ámeliy shınıǵıwlar procesi úyrenildi.

Úyreniw dawamında oqıwshılarǵa tigiwshilik tarawı boyınsha teoriyalıq bilim hám ámeliy kónlikpeler beriw, zamanagóy tigiw mashinaları hám úskenelerinen paydalanıw, kiyim-kenshek ónimlerin tayarlaw hám miynet processlerin shólkemlestiriw jaǵdayı menen jaqınnan tanıstırıldı.

Sonday-aq, jaslardı kásip-ónerge oqıtıw, olardıń tigiwshilik boyınsha mamanlıǵın arttırıw, keleshekte bántligin támiyinlew hám isbilermenlik jumısına tartıw máselelerine ayrıqsha itibar qaratıldı.

Deputat tárepinen tigiwshilik baǵdarındaǵı bilimlendiriwdiń sapasın bunnan bılay da arttırıw, oqıw-ámeliy bazanı bekkemlew hám pitkeriwshilerdiń ielegen kásibi boyınsha miynet jolın baslawı ushın zárúr sharayatlardı jaratıw boyınsha tiyisli usınıs hám usınıslar bildirildi.