Deputat Shımbay texnikumında avtotransport quralların basqarıw baǵdarı jumısı menen tanıstı

⚡️ Xalıq deputatları Shımbay rayonlıq Keńesi deputatı L.Mamutova tárepinen Shımbay texnikumınıń avtotransport quralların basqarıw baǵdarında alıp barılıp atırǵan oqıw-ámeliy jumısı úyrenildi.

Úyreniw dawamında tıńlawshılarǵa jol háreketi qaǵıydaları, transport quralların basqarıw boyınsha teoriyalıq bilim hám ámeliy kónlikpelerdi beriw procesi, oqıw sabaqlarınıń shólkemlestiriliwi hám bar oqıw-ámeliy bazanıń jaǵdayı menen jaqınnan tanıstırıldı.

Sonday-aq, transport qurallarınıń texnikalıq jaǵdayı, oqıw sabaqları ushın jaratılǵan sharayatlar, tıńlawshılardıń ámeliy sabaqlarda qatnasıwı hám qáwipsizlik talaplarına ámel etiliwi máselelerine ayrıqsha itibar qaratıldı.

Deputat tárepinen jaslardı zamanagóy hám zárúr kásipke oqıtıw, olardıń transport quralların qáwipsiz basqarıw boyınsha bilim hám kónlikpelerin arttırıw jáne oqıw procesiniń sapasın bunnan bılay da jaqsılaw boyınsha tiyisli usınıs hám usınıslar bildirildi.