Xalq deputatlari Pastdarg‘om tumani Kengashi sessiyasi kun tartibiga kiritilgan masala doirasida sessiya oldi o‘rganish ishlari olib borilmoqda.
Shu doirada Kengash deputati J. Ochilov tomonidan tumandagi 88- va 98-sonli umumiy o‘rta ta’lim maktablarining yangi 2026/2027-o‘quv yiliga tayyorgarlik holati o‘rganildi.
O‘rganish davomida maktablarda o‘quv jarayonini boshlash uchun yaratilgan shart-sharoitlar, sinfxonalar va mavjud infratuzilmaning holati, obodonlashtirish hamda ta’mirlash ishlari ko‘zdan kechirildi.
Aniqlangan kamchilik va muammolar yuzasidan tegishli mas’ullarga tavsiyalar berilib, ularni yangi o‘quv yili boshlangunga qadar bartaraf etish bo‘yicha takliflar bildirildi.
Sessiya oldi o‘rganish — kun tartibidagi masalalarni joyiga chiqqan holda tahlil qilish va deputatlik nazoratini kuchaytirishning muhim shaklidir.