24 ta tavsiya amalda: Kotibiyat xodimi yangi maktab qurilishi jarayonini ko‘zdan kechirdi

Xalq deputatlari tuman Kengashi kotibiyati bosh mutaxassisi U.Toshboyev hamda tuman Kengashi deputatlari ishtirokida hududda yangi barpo etilayotgan umumta’lim maktabining qurilish-ta’mirlash ishlari joyiga chiqqan holda o‘rganildi.

Mazkur o‘rganish jarayoni va nazorat tadbirlari "Mahalliy Kengash deputati faoliyatining eng muhim yo‘nalishlari bo‘yicha 24 ta tavsiya" to‘plamida belgilangan ustuvor vazifalar hamda mezonlar asosida tashkil etildi.

Deputatlar guruhining asosiy maqsadi — hududdagi ijtimoiy soha ob’yektlarining qurilish sifati va muddatlariga rioya etilishini xalq vakillari sifatida qat’iy nazorat qilishdan iborat. Ishchi guruh 24 ta tavsiyada ko‘rsatilgan deputatlik nazoratining samarali usullaridan foydalanib tahlil qildi.