“O‘zgidromet tomonidan 18–20 iyul kunlari yurtimiz hududiga janubdan juda issiq havo oqimlari kirib kelishi prognoz qilinmoqda. Bunday ob-havo sharoitida har bir fuqaro o‘z salomatligini asrashga alohida e’tibor qaratishi muhim.
Ayniqsa, keksalar, bolalar, homilador ayollar hamda surunkali kasalligi bor fuqarolar zarurat bo‘lmasa, kunning eng issiq vaqtlarida ochiq havoda uzoq qolmasliklari, ko‘proq suyuqlik iste’mol qilishlari tavsiya etiladi.
Shuningdek, barcha tashkilot va korxonalar, mahalla faollari hamda mas’ul xizmatlar issiq havo oqibatlarining oldini olish bo‘yicha zarur choralarni kuchaytirishlari lozim. Elektr energiyasi va ichimlik suvidan oqilona foydalanish, yong‘in xavfsizligi qoidalariga qat’iy rioya etish bugungi kunning dolzarb vazifalaridan biridir.
Fuqarolarimizni ehtiyotkor bo‘lishga, o‘z salomatligi va yaqinlari xavfsizligini asrashga chaqiraman. Birgalikdagi mas’uliyat va ogohlik orqali jazirama kunlarni sog‘-salomat o‘tkazamiz.”