Xalq deputatlari Zomin tuman Kengashining navbatdagi sessiyasi kun tartibiga tuman Davlat soliq inspeksiyasi rahbarining mahalliy byudjet daromadlari bajarilishi holati, qo‘shimcha daromad manbalari va rezervlarni aniqlash borasida amalga oshirilgan ishlar, soliqlar hamda boshqa majburiy to‘lovlar kesimida byudjetga hisoblangan va amalda tushgan mablag‘lar, shuningdek, mavjud soliq qarzdorligi to‘g‘risidagi hisoboti kiritilmoqda.

Mazkur masalani sessiyada har tomonlama va xolisona ko‘rib chiqish maqsadida deputatlarga o‘z saylov okruglarida o‘rganishlar olib borish tavsiya etildi. Jumladan, hududlarda faoliyat yuritayotgan tadbirkorlik subyektlari, tashkilotlar hamda mahalliy byudjet daromadlarini shakllantirishga ta’sir etuvchi omillarni o‘rganish, mavjud muammolar va foydalanilmayotgan imkoniyatlarni aniqlash yuzasidan tahliliy ishlar tashkil etilishi belgilandi.

Shuningdek, deputatlar tomonidan soliqlar va boshqa majburiy to‘lovlarning o‘z vaqtida hamda to‘liq undirilishi, soliq qarzdorligini qisqartirish, qo‘shimcha daromad manbalarini safarbar etish hamda byudjet tushumlarini oshirish bo‘yicha takliflar ishlab chiqilishi tavsiya qilindi.