Xalq deputatlari Pastdarg‘om tuman Kengashi deputati A. Abdumurotov tomonidan hududdagi 13-umumta’lim maktabida o‘rganish ishlari olib borildi.

🏫 O‘rganish jarayonida maktabning mavjud sharoitlari, sinfxonalar sig‘imi va o‘quv jarayoni tahlil qilindi. Ayni paytda mazkur maktabda o‘quvchilar 2 smenada tahsil olayotgani, bu esa o‘quv jarayoniga ma’lum darajada noqulayliklar keltirib chiqarayotgani aniqlandi.

📚 Shu bois maktab uchun qo‘shimcha bino qurish zarurati mavjudligi qayd etildi. Bu esa o‘quvchilarni bir smenali ta’limga o‘tkazish, ta’lim sifatini oshirish hamda qulay sharoitlar yaratishda muhim ahamiyat kasb etadi.

💬 Deputat tomonidan mas’ul tashkilotlar bilan hamkorlikda mazkur masalani hal etish, zarur choralarni ko‘rish yuzasidan tegishli taklif va tavsiyalar berildi.

🤝 Bu kabi o‘rganishlar hududlarda ta’lim sifatini oshirish va mavjud muammolarni tizimli hal etishga xizmat qiladi.