Xalq deputatlari Pastdarg‘om tuman Kengashi deputati M.Kilichev savdo markazlarida bo‘lib, aholiga taklif etilayotgan oziq-ovqat va kundalik iste’mol mahsulotlari narxlarini o‘rgandi.

🛒 O‘rganish davomida mahsulotlar narxining asosliligi, savdo madaniyati, sanitariya holati hamda xaridorlar uchun yaratilgan sharoitlar ko‘zdan kechirildi.

✅Shuningdek, ayrim mahsulotlar narxining keskin oshib ketmasligi yuzasidan tadbirkorlar bilan suhbatlar olib borildi.

💬 Deputat tomonidan savdo rastalarida tartib-intizomni saqlash, narxlarning ochiq-oshkoraligini ta’minlash va iste’molchilar huquqlarini himoya qilish bo‘yicha tegishli tavsiyalar berildi.

🤝 Bu kabi o‘rganishlar aholining kundalik hayotiga bevosita ta’sir ko‘rsatadigan masalalarni nazoratda ushlab turish va narx-navoning barqarorligini ta’minlashga xizmat qiladi.