Xalq deputatlari Jondor tumani Kengashiga 1-Tinchlik saylov okrugidan saylangan deputat I.Xolov hamda tuman Kengashi kotibiyati bosh mutaxassislari J.Norov va R.Murodovlar hamkorligida “Murg‘ak” mahallasida hokim yordamchilari tomonidan amalga oshirilayotgan ishlar samaradorligi o‘rganildi.
O‘rganish jarayonida aholini kambag‘allikdan chiqarish, fuqarolarni doimiy daromad manbai bilan ta’minlash, tadbirkorlikka jalb qilish hamda ishsiz aholini bandligini ta’minlash borasida amalga oshirilayotgan ishlar tahlil qilindi.
Shuningdek, “temir daftar”, “ayollar daftari” va “yoshlar daftari”ga kiritilgan fuqarolar bilan ishlash holati, ularning muammolarini hal etish yuzasidan ko‘rilayotgan chora-tadbirlarga alohida e’tibor qaratildi.
O‘rganish yakunida mutasaddilarga aholi murojaatlarini o‘z vaqtida hal etish, ijtimoiy himoyaga muhtoj oilalarni qo‘llab-quvvatlash hamda kambag‘allikni qisqartirish ishlarini yanada kuchaytirish bo‘yicha tegishli tavsiyalar berildi.