Murojaat o‘rganildi

Xalq deputatlari Qo‘shko‘pir tuman Kengashi deputati Hajiboy Ibragimov Chamanzor mahallasi Ravshonlik ko‘chasida istiqomat qiluvchi fuqaro Oyposhsha Shamuratovaning murojaati yuzasidan joyiga
chiqib o‘rganish ishlari olib bordi. 

O‘rganish jarayonida mahalla hududidan o‘tuvchi 2 ta zaxkashning bir qismi ko‘milib qolganligi oqibatida aholi xonadonlariga zax chiqayotgani hamda daraxtlarning qurish holatlari kuzatilayotgani aniqlandi. 

Deputat tomonidan mas’ul tashkilotlar va mutasaddi rahbarlar hududga chaqirilib, mavjud muammoning haqiqiy holati bilan tanishtirildi. Shuningdek, ushbu masalani ijobiy hal etish maqsadida tegishli tashkilotlarga deputatlik so‘rovi kiritilishi ma’lum qilindi. 

Fuqarolar murojaatlarini tizimli hal etish, aholi uchun munosib yashash sharoitlarini ta’minlash hamda hududlardagi infratuzilma muammolarini bartaraf etish deputatlik faoliyatining ustuvor yo‘nalishlaridan biri bo‘lib qolmoqda.