🔷Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq O‘zbekiston Liberal-demokratik partiyasidan saylangan deputatlar U.Aripjanov va M.Mirabdullayev tomоnlaridan kotibiyat xodimi N.Kurganova ishtirokida “Mikrokreditbank ATB tuman filialida tomonidan O‘zbekiston Respublikasining “Iste’mol krediti to‘g‘risida”gi Qonun ijrosi o‘rganildi.

🔷O‘rganish jarayonida bank filiali tomonidan jismoniy shaxslarga iste’mol kreditlari ajratish tartibi, fuqarolarga taqdim etilayotgan shartlar shaffofligi, kredit shartnomalarining qonun talablariga muvofiqligi hamda mijozlarga axborot berish darajasi atroflicha tahlil qilindi. Xususan, kredit ajratishda fuqarolarning to‘lov qobiliyatini baholash, ortiqcha qarz yuki yuklamaslik, foiz stavkalari va qo‘shimcha to‘lovlar haqida to‘liq ma’lumot berish masalalariga alohida e’tibor qaratildi.

🔷Shuningdek, bank tomonidan mijozlarga kredit shartlari, ularning huquq va majburiyatlari to‘g‘risida tushuntirish ishlari qay darajada olib borilayotgani, shartnomalarda barcha muhim shartlar ochiq va ravshan aks ettirilayotgani o‘rganildi. Aholining moliyaviy savodxonligini oshirishga qaratilgan targ‘ibot ishlari holati ham tahlil qilindi.

🔷O‘rganish davomida ayrim yo‘nalishlarda, jumladan, kredit oluvchilarga huquqiy tushuntirishlarni yanada kengaytirish, qarz yukini kamaytirishga qaratilgan maslahat xizmatlarini kuchaytirish hamda murojaatlar bilan ishlash samaradorligini oshirish zarurligi qayd etildi.